قبل ماتبعد عني وعن عيوني
طمني وريحني من شكي ومن ظنوني
انا خايفة في البعد عيونك ينسوني
واعيش في بعدك في حيرة بين عقلي وجنوني
قبل ماتبعد عني وتسبني لوحدي
بحلفلك والله غيرك مش عندي
صدقني وارحمني من ارقي وسهدي
انا هستناك وباقية على وعدي وعهدي
قبل ماتبعد عني وعن حضني
قرب وبكل قوتك احضني
اااااااااه غيابك عني هيجنني
هتعب وهشتاق ليك تضمني
قبل ما تبعد وتسبني فريسة للحرمان
قرب مني انا في حضنك بلاقي الامان
انت الوجود والحياة والاطمئنان
ومعاك نسيت الماضي الي كان
قبل ماتعبد وتسبني للاحزان
اعرف انك عندي انسان
انا خايفة عليك من النسيان
خايفة تقاسي لوحدك وتفضل حيران
قبل ماتبعد وتسبني للضياع
حسسني ان بعدنا مش وداع
قول انك راجع مش زي الي باع
قول انك متعرفش الغش والخداع
قبل ماتبعد هقولك اني حبيتك وبحبك
وانك حياتي وعمري وهعيش اتمنى قربك
هقولك انك دنيتي ومليش غير حبك
يارتني اتعب ولا احس يوم بتعبك
قبل ماتبعد خد صورتي معاك
عايزاك تحس اني على طول وياك
وتعرف اني دايبة فيك وفي هواك
واني هستنى بكل فرحة يوم لقاك
قبل ماتبعد وتسبني للاهااااات
اسمعني انا هتكلم من سكات
عارفة هتفهمني وانت بالذات
من دون الناس هتوقف معاك الساعات
____________________________
مقدرش انساك مقدرش اعيش ولا يوم من غير حبك وهواك
موضوع: .*.~قبل ما تبعد~.*. 
