مين إرهابي ؟! .. DAM

على فكرة .. كانت أول اغنية راب عربي اسمعها

الكلمات

(تامر النفار)

مين ارهابي ؟! انا ارهابي ؟!
كيف ارهابي وانا عايش في بلادي؟!!
مين ارهابي ؟! انت ارهابي!
ماكلني وانا عايش في بلادي!!!!


قاتلني زي ما قتلت جدادي
اتجه للقانون ?! عالفاضي مانت يا عدو
بتلعب دور الشاهد المحامي والقاضي
علي قاضي بنهايتي بادي
حلمك نقل فوق ماحنا اقلية
حلمك الأقلية تصير في المقابر اكترية
ديموقراطية ؟! والله انكم نازية
من كتر ماغتصبتوا النفس العربية
حبلت , ولدت ولد اسمو عملية انفجارية
وهين ناديتنا ارهابية
يعني ضربتني وبكيت , سبقتني واشتكيت
لما ذكرتك انك بديت ,نطيت وحكيت
"ما انتوا بتخلوا ولاد صغار يرمو حجار ,ملهمش اهل
يضبوهم في الدار؟!" ايش؟؟
كأنه نسيت انه سلاحك ضب الأهل تحت الحجار؟!
وهلأ لما وجعي ثار بتناديني ارهابي؟!!

(محمود جريري)

مين ارهابي ؟انا ارهابي ؟!
كيف ارهابي وانا عايش في بلادي؟!
مين ارهابي ؟! انت ارهابي !
ماكلني وانا عايش في بلادي!!


ليش ارهابي ؟! علشان دمي مش هادي , حامي ؟!
علشان رافع راسي وارض بلادي
قتلوا حبايبي , انا لحالي
اهلي تشردوا , وراح اضلني انادي
انا مش ضد السلام , السلام ضدي
علي بدو يقضي ,تراثي بدو يمحي
واللي بحكي كلمة بشد ورى همة
بكون زلمة!!بتعملوا منو رمة!
ومين انتو؟!لسا ايمتا كبرتو؟!
اتطلعو قديش قتلتو واديش يتمتو
امياتنا ببكو , ابياتنا بشكو
اراضينا بختفو انا بقلكم مين انتو
انتو كبرتو بدلع احنا كبرنا بفقر
مين كبر في وسع؟! ومين كبر في جحر؟!
صار فدائي , عملتو منو اجرامي
وانت يا ارهابي بتناديني ارهابي

(سهيل النفار)

مين ارهابي ؟ انا ارهابي؟!
كيف ارهابي وانا عايش في بلادي؟!
مين ارهابي ؟ انت ارهابي !
ماكلني وانا عايش في بلادي!!


ايمتا ببطل ارهابي ؟! (اه)
لما تضربني كف واعطيك خدي التاني؟
كيف تتوقع مني اشكر الي اذاني؟
تعرف ايش؟! انت قلي كيف بدك اياني!!!!!
راكع على ركبي وادي مربطات؟!
عيون في الأرض وجثث مزتتات ؟
بيوت مهدومة عائلات مشردات؟
اطفال يتيمة ,حرية كلبشات ؟!
انت أأمر , انت اقتل احنا بنقبر
ما علينا بنصبر .. وجعنا بنستر.
اهم اشي انك تحس بامان
اتريح وسيبلنا الآلام مهو دمنا
دم كلاب , حتى لأ - لما الكلب يموت , في الرفق بالحيوان
يعني دمنا ارخص من دم الكلاب؟!!!!
لأ! دمي غالي وراح ادافع عن حالي
لو تناديني ارهابييييي..