قصص جناني صارت معي بنفسي ..

مرحبا
كيفك احوالكم ؟ كيف أخباركم ؟

هي 3 قصص جناني صارت ببيتنا وصارت معي بنفسي

لذلك الخويف واللي بخاف من هي القصص لا يدخل ويكمل الموضوع


والشغلة ما فيها زعل عادي

القصة الأولى :


والله يا شباب مره كنت رايح على بيت خالتي الساعه 11 بالليل او الساعة 12 والله ما عاد اتذكر
و لا في جمب بيتنا بيت مهجور من اكتر من 10 سنين .

ماشي ومفكر حالي سبايدر مان و عم فكر وفكر وعم اطلع يمين وشمال بعدين اتذكرت هالبيت المهجور اطلعت عليه و إذ والله شيء أبيض ارتفاعه شيء نص متر عم يروح يمين ويسار بسرعة كبيرة كتير
والله انا اطلعت فيه هيك فاتح تمي على آخر عيار وماني عرفان شو بدي سوي بعدين ما بلاقيه غير وقف انا قلت خلص راحت أيامك مستر فايروس بعدين حركت رجلي اللي ما عاد يحملوني شووي شوي لما قطعت البيت قلت الله واللي بحب النبي يخلي ( يعني يهرب ) والله غير الله ما عاد يوقفني ووصلت على بيت خالتي خلال ثواني



القصة التانية :

الكل بيعرف انو هي السنة التربية عطت قرار انو شهر رمضان إجازة

والله بليلة الــ 29 من رمضان يعني اليوم اللي بعدو عيد كنت سهران انا وحسن والشباب بحارتنا متل العادة كل يوم للساعة 2 المهم خلصنا حديث واجا وقت كل واحد يروح على بيتو وينام

اجيت قلتلو لحسن يلا حسن اسبقني عالبيت انا هلأ داخل بس بدي احكي مع ( أحمد بكون رفيقي ) بموضوع مهم راح حسن دخل لجوا عالبيت خلصت حديث مع احمد دخلت عالبيت بقا بيتنا اول ما بتدخل منه بيجيك ممر طويل و فوقه كلو عنب المهم وصلت لنص الممر ولا ما اسمع غير ضحكة بس غريبة شوي و حركشة بين الحشيش اللي بأرض البيت

أنا شو كل بالي انو حسن جاي على بالو يمزح شيء مزحه ويخوفني قلت بصوت عالي ( يلا حسن اطلع شفتك ما جاي على بالي اضحك واخاف ) اسع انا ما خلصت كلامي الا والله العظيم اسمع ضحكة اعلى منها انا استغربت يعني الواحد بس حب يخوف واحد بيطلع لا هاد شو سوا كمان رفع ضكتو بزياااادة هالابن الحرام
والله انا شغلت ( الموتورجل ) وقلت الله دخلت على البيت و لا بلاقي حسن قدامي نايم استغربت وانجلطت بنفس الوقت
والله حطيت راسي على المخدة و قعدت افكر شو هالصوت اللي سمعتو برا بالأخير قرأت المعوذات ونمت
واليوم التاني بفيق على صوت امي وهي عم تقلي قوم روح على صلاة العيد وبقا انا نايم شيء الساعة 2 :30 يعني ما صرلي نايم غير 4 ساعات وعايف الله من النعس قلتلها شو صلاة عيد ما صلاة عيد ماني فاضي وحطيت راسي و كملت نوم للظهر


وهي مجموعة صور لبيتنا مشان تعرفو كيف صارت القصة ::










القصة الثالثة :

( هي القصة صارت ببيتنا بس مو معي مع خالتي )

يا مكتورين الخير مرة صارت الساعة شيء وحده قبل رمضان وصار وقت النوم نمنا ونحنا مكيفين لأنو ابو حديد كان عنا ( طبعاً الكل بيعرفو لأبو حديد )

لما فقنا اليوم التاني ولا الظاهر صايرة قصة مع خالتي اسمها ( كفا ) على العموم هي خويفه بعض الشيء
المهم قالت انو لما نامت بعد شيء ساعتين فاقت على صوت ( تخبيط ) على الشباك والشبابيك اللي عنا بالبيت كلهون حديد و لما بتضرب عالشباك بيطلع اهتزاز بالشباك وبيطلع صوت

المهم قالت انو اللي كان عم يخبط على الشباك كان لابس ابيض بأبيض بقا شو قالت بحالها قال هلأ إذا صرخت شيء صوت بيعرف انو انا فايقة وشايفتو قالت خليني ساكته احسن ما آكل شيء صواب
المهم ضل يخبط على الشباك شيء خمس دقايق وخالي دقات قلبها عم تتزايد شوي شوي بعدين لما خلص تخبيط رجع لورا الشباك بشيء 30 سنتي وهز راسه لفوق و لتحت وبعدين اختفى ..

والله اعلم اذا كانت حقيقة ام مجرد خيال لأنو هي خويفه


وتقبلو تحياتي أخوكم : الفــــــايروس

ههههههههههههههههههههههههههههههههههه يخرب عقلك يافايروس والله مابعرف
بيضحكوا ولا بيخوفوا قلتلي رفيقك احمد هههههههه هع هع هع

لولو 2 شو رأيك تجي لعنا على بيتنا بلكي بجي حظك مع شيء جني ولا شيء جنية

ههههههههههههههههههههههههههههههههههههههههههه


قصص مضحكة

والله بتموت من الضحك يا فايروس

لكن يا حبيبي انتو بتموتو من الضحك وانا بموت من الرعبه

بس يلا والله تعودت على الجناني

المهم عم ادعي لــ الله إنو شيء واحد من الشلة يجي لعندي على سوريا إذا ما بخليه يعوف دينه بدي غير اسمي


شكرا على مرورك فوفو

ههههههههههههههههههههههه
والله لوكنت مكانك كان انا الحين في مستشفى المجانين لاني اخاف من ظلي

ان شاءالله ماتشوف هالمواقف مره ثانية مشكور ع الطرح

تقبل مروري منية الروح^^

والله انا الحمدلله لهلأ ما جنيت ولا بخاف من الجناني

شكراً على المرور منية الروح

هههههههههههههههه
هههههههههههه
ههههههههه
ههههههه
ههههه
هههه
ههه
هه
ه

والله ضحكتني فيروس

شو هالقصص
مشكووور عالطرح الحلو متلك

هههههههههههههههههههه

قصص تموووت من الضحك

يسلمووو يالفايروس على الطرح

منورررررررررررين الصفحى بوجودكم والله

اليكس إذا اجيت لعندي على سوريا بدي خليك تضحك بالمقلوب

شو هل القصص الغريبة الي بتصير معك

لا والله كوكو هي القصص ما في منها 2 بكل المنتدى

انا فريد بتعرف شو يعني

يعني انا واحد ما في مني 2

نورت الموضوع

فايروس بطلت اجي لعندك
خلص انساني مستحيل
ههههههههههههههههههههههههههههههههههههههههههههههههههه
بس انت اذا قلتلي خلص ما بقا يرجعوا ولااحوا بفكر اجي

هههههه والله الموضوع حلو بس لا تقول انو حصل معاك ها لو حصل معاك كنت مت بس يمكن حصل في احلام الفقراء

بعدين شو هالصور تعرف والله يشبه مهند بس مهند الهندي

والله ان فراقك صعب احترم نفسك..
احسنلك

ونشكراً اليكس ومنورين الموضوع كلكم

يا أبو فراق الحيوان احترم نفسك ولا تنسى في شيء اسمو طرد بالمنتدى

احيانا الواحد بيحصلووو مواقف بيكون مش عارف هل هي حقيقة وشايفها بعينه ولا عقلو بيتخيلهاا


وانا عن نفسي حصلي ثلاث مواقف غريييبة جداا




بس لو يسمحلي الفايروس اني اضيفهم على الموضوع ولا لا ؟؟

منتظرة الرد

^_^

لا عادي ضيفيهم بس انتبهي ما بدنا خوتنه

يعني ما بدي عبط بالمصري