بَنَاتْ ألفين بنات مُوضهْ عقولهم لِسَّه فى الرُّوضَهْ سَاعِةْ مَا تْحِبّ تِتْمَاكْيِجْ بتقعد شهر فى الأوضه و تطلع وِشَّهَا مْلَزَّقْ و عِينْ خَضْرَا … و عِينْ سُودَه و تِمْشِى لِبْسَهَا مْحَزَّقْ و تِتْلَوَّى زي الدُّودَه ما تِعْرَفْ ( ضُهْر ) كَامْ ركعه لكن عارفه ( هانى شنوده ) و تغلط لو قَرَتْ ( فاتحه ) و حافظه شْرِيط ( على حميده ) بَنَات إيهْ دُولْ ؟! … مانيش عارفْ
يا وِيلَكْ يا اللِّى تِتْجَوِّزْ من النوع دا .. دا أصله خطير
لو انتَ مْعَاكْ مَال الدُّنْيَا قُصَادْ طَلَبَاتْهَا تِبْقَى فَقِيرْ و لو قلت لْهَا :" عايْز آكل " تقول مشغوله فى الْمَانِيكِيرْ و تِلْقَى الْمِشْط فِى الْحَلَّهْ و تلقى الجزمه ع المواسير و من دا كتير يا حلو اشرب عذاب أموره م الأمامير ما هُمَّا دُولْ بَنَاتْ 2000 زي الرَّابْسُو .. يِرَغِّى كْتِيرْ لكِنْ لاَ يْنَضَّف الْهِدْمَهْ و رِيحْتُه تْجِيبْ لَك الْبَوَاسِيرْ بَنَاتْ إيهْ دُولْ ؟! … مانيش عارفْ ما كَاتْ قُدَّامَك الْهَادْيَهْ و بِتْصَلِّى و بنت حلال لا تعرف رُوجْ و لا خْلافُهْ كَاتْ أَخْلاَقْهَا عَال الْعَالْ و لِْبس الْحِشْمَه خَلاَّهَا تِزِيد فوق الجمال دا جمال تقوم ترفضها و تْبَدِّلْ ملاك طاهر … بـ " ساميه جمال ؟!!"
موضوع: بنات2000 
